„s gibt Sache, die gibts net, obs glaabscht odder net,
doch stimmt jedes Wertel un’s gilt jedie Wett“.
Die hänn vielleicht Zuständ!
Des stelscht der net vor
wie glei nooch de Sinflut.
Ich liesch net, is wohr.

De Hahne trobbst alsfort bei Daach un bei Nacht.
Die Deere wer’n meischt mit de Fieß zugemacht.
In de Wohnung sieht’s grad wie bei’s Dotterles aus.
Du brauscht dich net wunn’re, s‘ sin Kinner im Haus!

  Die Deerschlenk verknatschwert, de Deppich voll Sand,
die Klobrill verpinkelt, ‚s werklich e Schand,
‚s geht drunner un driwwer, kän Mensch kennt sich aus.
Un wer is schuld dra‘? – ‚s sin Kinner im Haus!

Verschmeert sin die Schweiwe, voll Gutsel die Sitz,
verkritzelt die Bischer, verbabbt mit Lakritz.
Mer krischt jo bal Zuständ!
Geh, lach mich net aus!
Hänn die e Gelebdaachs:
‚s sin Kinner im Haus!

Wann du awwer määnscht, so mißt’s iwwerall sei,
dann guck mol ins Haisel vun newedra‘ nei:
Kä hännel un Streite daachei un daachaus.
Die Uhr is des äänzigscht, wu‘ d heerscht in dem Haus!

Nie schallt mol e lache, ‚s is mucksmaisel still,
nor de Vochel derf pfeife, so laut wie er will.
Un’s Staabduch werd g‘ schlenkert wie wild uhne Paus.
Bei denne herrscht Ordnung, ob hin odder draus!

ein fröhlich  Kinderlachen...!!!

Unn hats Spaß gemacht ???
Sagt nun bloß nicht "Nein"